Ұстаздар күні қарсаңында Жайылма негізгі орта мектебінің директоры, тәжірибелі педагог, ұлағатты ұстаз – Нұрлан Кәрімжанұлы Өтегенов туралы айрықша ілтипатпен айтқымыз келеді.Білім саласында 35 жылдан астам уақыт еңбек етіп келе жатқан Нұрлан ағайдың ұстаздық жолы жас мамандар мен шәкірттерге үлгі боларлық. Ол 1989 жылдан бастап ұстаздық қызметке араласып, 1999 жылдан бері Жайылма мектебін басқарып келеді. Осы уақыт аралығында білім беру сапасын арттыру, мұғалімдердің кәсіби дамуы және оқушылардың тәрбиесі жолында аянбай еңбек етіп келеді.
Мектеп ұжымы Нұрлан Кәрімжанұлын талапшыл, әділетті, жаңашыл басшы ретінде жақсы таниды. Ол әрқашан жаңа идеяларды қолдап, білім беруде заманауи технологияларды енгізуге ұмтылады. Жас мамандарға тәлімгерлік жасап, олардың кәсіби шыңдалуына жан-жақты қолдау көрсетеді.
Нұрлан ағайдың адамгершілік қасиеті де ерекше атап өтуге тұрарлық. Ол әлеуметтік жағдайы төмен отбасыларға материалдық көмек көрсетіп, жетім және көпбалалы балалардың білім алуына жағдай жасауға үнемі атсалысып келеді. Жайылма ауылында оны тек мектеп басшысы емес, ауыл азаматтарының жанашыры ретінде де таниды.
Көпжылдық еңбегі мемлекет тарапынан да лайықты бағаланды. ҚР Білім және ғылым министрлігінің Құрмет грамоталарына (2003, 2021), «Қазақстан Тәуелсіздігіне 30 жыл» медаліне және Қостанай облысы мен Қамысты ауданының бірнеше марапатына ие болған.
«Ұстаздың басты міндеті – балаға тек білім беру емес, оның жүрегіне ізгілік ұялату», – дейді Нұрлан Кәрімжанұлы.
Бүгінде оның шәкірттері түрлі салада жемісті еңбек етіп жүр. Ал бірқатары өз мектебіне қайта оралып, жас мұғалім ретінде қызмет етуде.
Шұға ҚОҢҚАБАЙ
Біз оқырман назарына Торғай мұражайлар кешенінен табылған құнды жәдігердің тарихын ұсынуды жөн көрдік. (далее…)
Ресеймен шектесетін ауылдар — мемлекеттік шекара әлдеқашан картадағы сызық болудан қалып, күнделікті өмірдің бір бөлігіне…
Инициатором и организатором выступила художественный руководитель танцевального ансамбля Диана Гучигова. (далее…)
За последнюю неделю на территории Камыстинского района произошло несколько случаев, где потребовалась помощь спасательных служб.…
Об этом на брифинге в РСК сообщил заместитель прокурора Костанайского района Самат Баймухамедов. (далее…)
В селе Денисовка состоялось торжественное вручение ключей от новых квартир гражданам, состоящим в очереди на…
This website uses cookies.