Жанкелдин ауданында мектеп бітіруші түлектер үшін соңғы қоңырау соғылды.
Биыл өңір бойынша 181 оқушы 11-сыныпты аяқтап отыр. Ресми мәліметке сәйкес, аудан бойынша мектеп бітірушілердің үлгерімі жоғары. Түлектердің ішінде 10 оқушы «Алтын белгіге», ал 29 оқушы «Үздік аттестатқа» үміткер.
Аудандағы Ыбырай Алтынсарин атындағы жалпы білім беретін мектебінде 79 түлекке арналған салтанатты шара ерекше толқыныспен өтті.
Мектеппен қоштасу жиынына Жанкелдин ауданының әкімі Дінмұханбет Бидашев және Жанкелдин ауданы білім бөлімінің басшысы Абай Қасымұлы арнайы қатысып, жас толқынға сәт сапар тіледі.
«Ұлы ағартушы Ыбырай Алтынсариннің есімін иеленген бұл мектептің орны бөлек. Алда үлкен өмір мектебі мен жауапты кезең – Ұлттық бірыңғай тестілеу күтіп тұр. Аудан мақтаныштарына ақ жол, асқақ армандарға жетуді тілеймін», – деді аудан әкімі Дінмұханбет Серікұлы.
Салтанатты шара барысында дәстүрлі білім кілтін табыстау рәсімі өтіп, 11-сынып оқушылары мектеп аманатын кейінгі толқынға жолдады. Түлектердің орындауындағы мектеп вальсі, заманауи флешмобтар мен «Қош бол, алтын ұям!» атты жүрекжарды қоштасу сөздері жиналған қауым мен ұстаздардың көңілін толқытты.
Ата-аналар қауымы білім нәрімен сусындатқан ұстаздарға мың алғыс білдіріп, балаларға ақ тілектері мен баталарын берді.
Еске сала кетейік, еліміздің барлық мектептерінде қорытынды емтихандар мен ҰБТ кезеңі басталады. Жанкелдин ауданының әкімдігі мен білім бөлімі түлектердің емтихан тапсыруына толық жағдай жасалғанын хабарлады.
Оқу жылының аяқталуына орай еліміздің барлық мектептерінде «Білімім – Отаныма!» тақырыбында бірыңғай сынып сағаты өтті. Сынып сағаттарында оқу жылы қорытындыланып, оқушылардың жетістіктері мен жарқын сәттері еске алынды.
Шұға ҚОҢҚАБАЙ
Суреттер аудандық білім бөлімінен алынды
Это знаменательное событие проведено по инициативе семьи Турсуновых, которые организовали шахматный турнир как дань памяти…
Напомним, уникальный культпроект стартовал 5 июня во всех городах и районах области. (далее…)
Разговор об этом, 9 июля, с представителями разных организаций вели волонтеры фонда «Жанашыр бол». (далее…)
Участников республиканского проекта связывают не только родственные узы, но и общее увлечение. (далее…)
Цена ОСАГО зависит от данных водителя, автомобиля, региона и страховой истории, поэтому у разных…
Масштабные разливы Тобола, стратегическое Верхне-Тобольское водохранилище и подземные горизонты требуют жесткого и непрерывного контроля. (далее…)
This website uses cookies.