Qostanai.Media – ГЛАВНЫЙ ПОРТАЛ

Айназдың кезекті жеңісі

Арқалық қаласында Нұрғиса Тілендиевтің 100 жылдығына арналған «Әлқиса» атты аймақтық жас домбырашылар бауқауы өтті. Аталмыш байқауға Болат Хамзин атындағы өнер мектебінің оқушысы Айназ Қарағұл қатысып, жиырма бес үміткердің ішінен топ жарып жүлделі екінші орынды жеңіп алды.

Байқау шарты бойынша әр қатысушы екі шығарма орындау керек, Айназ Кемеңгерқызы Н.Тілендиевтің «Аққу», Қ.Ахмедияровтың «Той күйі» шығармасын асқан шеберлікпен орындап, қазылардың жоғарғы ұпайына ие болды.Жетекшісі Арайлым Әлібаева.

Арайлым Балтабекқызы Б.Хамзин атындағы өнер мектебінде 2007 жылдан бері домбыра бөлімінде сабақ береді. Шәкірттері облыстық, республикалық, халықаралық байқаулардың жүлдегері.Мектеп қабырғасын бітірген түлектері бүгінде ұстаз жолын жалғап, өнерден өзіндік орны бар жандарға айналды. Атап айтсақ шәкірттерінің бірі қазақ эстрадасының жұлдызы Әсем Искакова, Перизат Қалабайқызы халықтың зор ықыласына бөленіп, үлкен сахналарда шәкірттерімен өнер көрсетіп жүр.

Мектеп түлегі Айназ Кемеңгерқызы Арайлым Әлібаеваның жетекшілігімен білім алап, талай додаларда қанжығасын жүлдемен толтырып келеді.

Сонымен қатар Ұстазы мен шәкірті аудандағы 50 жылдық тарихы бар «Ғасырлар пернесі» ансамблінің мүшесі. Ұстаздан шәкірт озар деген осы болар, өнері мен білімін қатар алып жүрген Айназ жан-жақты. «ДанАс» шығармашылық орталығы жанынан құрылған «Балқадиша» жетігеншілер тобының белді мүшесі. Облыстық, республикалық, халықаралық байқауларда бағы жанып, Торғай өңірінің атын танытып жүрген өнерлі өреннің болашағынан зор үміт күтуге болады.

Аягөз ФАЗЫЛБЕКҚЫЗЫ