Қамысты ауданының ауыл шаруашылығы саласында 2025 жылға көктемгі дала жұмыстарын жүргізуге дайындық белсенді түрде жүргізілуде.Ауданның егіс алаңдарының құрылымы, тұқыммен қамтамасыз ету, минералды тыңайтқыштармен және жанар-жағармай материалдарымен қамтамасыз ету, сондай-ақ ауылшаруашылық техникаларының дайындығы бойынша нақты жоспарлар бекітілген. Қамысты аудандық ауыл шаруашылығы бөлімінің мамандары осылай дейді.
-2025 жылға ауылшаруашылық дақылдарының егіс алаңдарының құрылымы әртараптандырылып, Жол картасының индикативті көрсеткіштеріне сәйкес, бидай алқабы – 271,2 мың га (2024 жылмен салыстырғанда 9,9 мың га өсім), арпа – 18,1 мың га (2024 жылмен салыстырғанда 1,3 мың га өсім), майлы дақылдар – 41,1 мың га (2024 жылмен салыстырғанда 31 мың га өсім), біржылдық шөптер – 5,2 мың га (2024 жылмен салыстырғанда азаюы), картоп – 157 га. Сонымен қатар, аудан аумағында су үнемдеу технологияларын енгізу жоспарланған алаң көлемі 520 га құрайды, бұл көрсеткіш өткен жылы 120 га болған еді (ТОО «Алтынсарино»), – дейді Қамысты аудандық ауыл шаруашылығы бөлімінің агрономия жөніндегі әдіскері Әсел Қармақова.
Тұқым жаңарту көктемгі дала жұмыстарын жүргізудің маңызды кезеңі болып табылады. Биылғы жылға жоспарлы тұқым жаңарту көрсеткіші 10,7% құрайды, яғни 3,7 мың тонна элиталық тұқым егуге дайындалған. Қазіргі уақытта 34,8 мың тонна тұқым зертханаларға жіберіліп, толықтай тексерілген және тұқымдардың барлығы кондициялық деп танылған.
2024 жылы жоспарланған 27,4 мың тонна минералды тыңайтқыштың тек 632 тоннасы алынған. 2025 жылға минералды тыңайтқыштармен қамтамасыз ету жоспары 21,5 мың тоннаға белгіленген. Бүгінгі таңда аммиак селитрасы мен аммофос сатып алуға 25 шаруашылықтан өтініштер түскен, ал ақпан-наурыз айларында тыңайтқыштарды сатып алу бойынша келісімшарттар жасалатын болады.
Көктемгі дала және орақ жұмыстарын жүргізу үшін аудан шаруаларына 10,6 мың тонна жанар-жағармай материалдары бөлінген, оның 5,2 мың тоннасы көктемгі дала жұмыстарында қолдануға жоспарланған. Қазіргі уақытта 62 электронды өтініш түсіп, олардың ішінде 40 шаруашылық жанар-жағармай жеткізетін операторын таңдаған.
-2025 жылға көктемгі дала жұмыстарын жүргізуге дайын ауылшаруашылық техникаларының саны айтарлықтай көп. Жоспар бойынша көктемгі дала жұмыстарында 803 трактор, 161 егіс кешені және 1349 себу қондырғысы қатысады. Қазіргі таңда техникалардың дайындығы 97%-ды құрайды. 2024 жылы 70-ке жуық жаңа техника мен ауылшаруашылық жабдығы сатып алынып, 160-тан астам техника жойылды. Машина-трактор паркін жаңарту пайызы 6,1%-ды құрады, – Әсел Қармақова.
Қамысты ауданының аграрлық секторы үшін 2025 жылға көктемгі дала жұмыстарына дайындық барлық бағыттар бойынша жоғары деңгейде жүргізілуде. Егіс алаңдарын әртараптандыру, тұқыммен қамтамасыз ету, тыңайтқыштар мен жанар-жағармай материалдары, ауылшаруашылық техникаларының дайындығы – барлығы осы жылдың егіс науқанын сәтті өткізу үшін толық дайын. Аудан аграрийлерінің жүйелі жұмыстары көктемгі дала жұмыстарын тиімді және уақытында өткізуге мүмкіндік береді.
Шұға ҚОҢҚАБАЙ
Ұлттық өнер – халықтың жадын жаңғыртып, рухын асқақтататын асыл қазына. (далее…)
«Ұлттық қор – балаларға» бастамасы Қазақстан Республикасының Президенті Қасым-Жомарт Кемелұлы Тоқаевтың Қазақстан халқына 2022 жылғы…
Как известно, стадия уголовного досудебного расследования начинается с регистрации заявления, сообщения об уголовном правонарушения. (далее…)
Такие данные озвучены в Карасуском отделе полиции во время проведения заседания круглого стола. (далее…)
Еңбектің жалынына шыдап, маңдай терімен күнкөріс қамын жасап жүрген әр маманның қоғам алдындағы жауапкершілігі өлшеусіз.…
В мероприятии приняли участие прокурор Мендыкаринского района Ерлан Сарсенов, глава района Габит Бекбаев и представители…
This website uses cookies.