Арқалық қаласында 50 пәтерлі «ақылды» үй салынуда. Оның тұрғындары – су тасқыны салдарынан баспанасынан айрылғандар.
Тұрғын үйді BAZIS компаниялар тобы өз қаражатына тұрғызып жатыр және оның елордалық жайлылық санатындағы тұрғын үйлерден кем түспейтініне уәде береді. «Ақылды» немесе «Смарт үй» Face ID бейне есік қоңырауларымен жабдықталған.
«Биылғы жылғы су тасқынынан, өкінішке орай, Қазақстан халқының басым бөлігі зардап шекті. Табиғи апат халықтың басындағы баспанасын бар жиған дүниесімен бірге шайып кетті. Біздің де алты жыл бойы ақша жинап алған үйіміз су астында қалды. Былтыр ғана күрделі жөндеуді аяқтап едік. Ал қазір комиссия оны тұруға жарамсыз деп отыр. Қабырғалары да, төбесі де опырылып қалған. Бұлай боларын кім білген? Бұған ешкім де кінәлі емес, апат айтып келмейді. Бірақ үйімізге 40-50 см-ге дейін су толғанын көргенде, күйініштен жанымызды қоярға жер таппадық, – дейді Арқалық қаласының тұрғыны, алты баланың әкесі Иванов Денис Владимирович.
Жергілікті билік өкілдері көп балалы отбасына меншігіндегі жер учаскесіне жаңа үй тұрғызуға немесе дайын, жаңа пәтерге көшуге көмек көрсетілетінін айтып, бірнеше жолды нұсқады.
Ивановтар отбасы «Тұмар» символдық атауы бар «ақылды» үйдегі үш бөлмелі пәтерге көшуге ниет білдірді, енді олар қоныс тойын тойлайтын күндерді асыға күтуде.
«Тұмар» қазақ тілінен аударғанда – «Талисман» дегенді білдіреді. Бұл пәтер бізге тұмар болып, бақыт пен береке, сәттілік әкеледі деген сенімдеміз. Бізге толық жабдықталған пәтер беріледі, тек киім-кешегімізді алып келсек болғаны деп айтты. Осы қамқорлық пен көмек үшін билікке алғысымыз шексіз»,- деп ерлі-зайыпты Ивановалар ризашылықтарын білдірді.
Арқалық қаласында көпқабатты монолитті үйдің құрылысы мамыр айының ортасында басталған. Құрылыс салушы нысанды 4,5 айда пайдалануға беруге уәде беріп отыр.
Арқалықтағы су тасқынынан кейін барлығы 94 үй қауіпті деп танылды. Үкімет резервінен бөлінген қаржыға және кәсіпкерлер мен «Қазақстан халқы» қайырымдылық қорының көмегімен зардап шеккендерге қазірдің өзінде 68 пәтер сатып алынды. 418 жеке үйді қалпына келтіруге болады деп танылды.
Шұға Қоңқабай
Ұлттық өнер – халықтың жадын жаңғыртып, рухын асқақтататын асыл қазына. (далее…)
«Ұлттық қор – балаларға» бастамасы Қазақстан Республикасының Президенті Қасым-Жомарт Кемелұлы Тоқаевтың Қазақстан халқына 2022 жылғы…
Как известно, стадия уголовного досудебного расследования начинается с регистрации заявления, сообщения об уголовном правонарушения. (далее…)
Такие данные озвучены в Карасуском отделе полиции во время проведения заседания круглого стола. (далее…)
Еңбектің жалынына шыдап, маңдай терімен күнкөріс қамын жасап жүрген әр маманның қоғам алдындағы жауапкершілігі өлшеусіз.…
В мероприятии приняли участие прокурор Мендыкаринского района Ерлан Сарсенов, глава района Габит Бекбаев и представители…
This website uses cookies.