Қостанай облысының Арқалық қаласындағы жылу желілерін жөндеуді аяқтау үшін Үкімет резервінен 250 миллион теңге бөлінді
Тиісті қаулыға Премьер-Министр Олжас Бектенов қол қойды, деп хабарлайды ҚР Үкіметінің баспасөз қызметі.
Арқалық ЖЭО 375 нысанды жылумен қамтамасыз етіп отыр және тозу деңгейінің жоғары болуына байланысты «қызыл аймаққа» енгізілген.
– Қаланың жылу желілерінің жалпы ұзындығы 34,7 км, оның басым бөлігі 1990 жылы пайдалануға берілген. Қазіргі таңда орташа тозу деңгейі 48%, кейбір учаскелерде 82%-ға дейін жетеді. Бұл жылу маусымында 24-29% көлемінде жылу энергиясының шығынына алып келеді, – делінген Үкімет хабарламасында.
2023 жылдан бастап қалада жылу көздерін жаңғыртудың екінші кезеңі жүзеге асырылуда. Қазіргі уақытта 17 км жылу желісі ауыстырылды. 2025 жылы тағы 9,9 км жаңарту жоспарланған. Жоба аяқталғаннан кейін жалпы тозу деңгейі 12%-ға төмендейді деп күтілуде.
Жүргізіліп жатқан жаңғырту жұмыстары қаладағы 38,4 мың тұрғынның өмір сүру сапасын арттыру және жылу маусымының тұрақты өтуі үшін маңызды.
Сонымен қатар, 2024-2025 жылғы жылыту маусымына дайындық аясында жылу желілері, жабдықтар мен электр желілеріне күрделі жөндеу жүргізілген. Биыл өңірде жалпы ұзындығы 27,9 км болатын 22 жоба іске асырылып жатыр.
Шұға ҚОҢҚАБАЙ
Қазақстанда соңғы бес жылда балалар құқығын қорғау мен тұрмыстық зорлық-зомбылыққа қарсы күрес саласында заңнамалық деңгейде…
Главные районные спортивные баталии года состоятся 1 августа в поселке Кушмурун (далее…)
Поисковая операция завершилась утром 16 июня (далее…)
Для спортсменов района последние недели выдались максимально жаркими и насыщенными: один за другим прошли сразу…
На полное техническое обслуживание, ремонт и цифровизацию сетей из бюджета выделено 64 780 172 тенге.…
Денисов ауданында көктемгі егіс науқаны аяқталуға жақын қалды. Себілген астықтың басым бөлігі жоғары сапалы. Шаруалардың…
This website uses cookies.