Мәдина Серікбол олимпиаданың облыстық кезеңінде жүлделі 3 орынды иеленді
Ұлт болашағы – білімді ұрпақтың қолында. Осы ұстанымды берік ту еткен жас өрендеріміз білім додаларында өздерінің ізденісі мен еңбегінің нәтижесін көрсетіп келеді.
Солардың бірі – 2025-2026 оқу жылында Жангелдин ауданының намысын қорғап, республикалық олимпиаданың облыстық кезеңінде жүлделі орын иеленген шәкіртім Серікбол Мәдина Даниярқызы.
2025-2026 оқу жылында жалпы білім беретін пәндер бойынша республикалық олимпиаданың облыстық кезеңі 6-7 қаңтар аралығында өтті. Аталған білім сайысына Жангелдин ауданынан 11 оқушы қатысып, өзара білім мен біліктің жоғары деңгейін көрсетті. Осы додада қазақ тілі мен әдебиеті пәні бойынша 10-сынып оқушысы Серікбол Мәдина Даниярқызы ерекше табандылық танытып, жүлделі III орынды иеленді. Бұл – ауданымыз үшін ғана емес, мектеп ұжымы мен ұстаздар қауымы үшін үлкен мақтаныш.
Мәдина – білімге құштар, ізденімпаз, мақсаты айқын шәкірт. Ол тек олимпиадамен шектеліп қалмай, түрлі деңгейдегі зияткерлік және шығармашылық байқауларда өзін дәлелдеп келеді. Атап айтқанда, 2025–2026 оқу жылында «Ақберен» республикалық байқауының аудандық кезеңінде I орынды иеленіп, облыстық кезеңде жүлделі II орынға қол жеткізді. Бұл – оның сөз өнеріне, ұлттық рухани мұраға деген терең ықыласының айқын дәлелі.
Сонымен қатар, қазақ руханиятының ірі тұлғасы Міржақып Дулатұлының 140 жылдық мерейтойы аясында өткізілген «Міржақып оқулары» байқауына қатысып, «Сахна өнері» номинациясы бойынша I орынды жеңіп алды. Бұл жетістік Мәдинаның тек теориялық біліммен ғана емес, сахналық мәдениеті мен көркемдік талғамы жоғары екенін көрсетеді.
Бұдан бөлек, «Ауыл олимпиадасы» республикалық олимпиадасының аудандық кезеңінде жүлделі I орын иеленуі – оның ауыл балалары арасындағы үздік оқушылардың бірі екенін тағы бір мәрте дәлелдеді.
Мәдина Даниярқызының жетістіктерінің артында тынымсыз еңбек, үздіксіз ізденіс және білімге деген шынайы сүйіспеншілік жатыр. Ұстаз үшін шәкіртінің әрбір жетістігі – маңдай тердің, төгілген еңбектің жемісі. Мәдинаның биік белестерді бағындыруы алдағы уақытта да жалғасын табатынына сенім мол.
Сымбат КЕНЖЕҒАЛИ,
қазақ тілі мен әдебиеті пәні мұғалімі
В 60-е годы прошлого столетия целенаправленно решалась проблема нехватки школ на селе. Массовая застройка совхозов…
В День русского языка, 6 июня, в Москве наградят победителей Международного конкурса «Расскажи миру о…
На областном форуме «Адал азамат: елге қызмет, рәмізге құрмет», приуроченном ко Дню государственных символов Республики…
Напомним, по данным ДЧС, оборудованным официальным считается пляж, разрешенный для купания местными исполнительными органами и…
Из Костанайской области пятеро школьников были приглашены в Астану для участия в традиционной экскурсии в…
В Казахстане, в том числе и в Костанае, регулярно проходят форумы, на которых активным гражданам…
This website uses cookies.