Өнер ұжымы «Түйемойнақ» театры деп аталады. Ресми түрде 2024 жылдың 1қазанында құрылған. Ал тұсаукесер рәсімін өткізу биылғы жылға бұйырыпты.
Аталмыш театр «Мәдени көркемөнерпаздар театрларын құру» туралы KPI жобасына сәйкес облыс әкімінің тікелей тапсырмасымен құрылған. Өткен жұмада салтанатты түрде ашылып, көрермен назарына «Әзіліміз жарасқан» атты тамаша концерттік бағдарлама ұсынды. Тұсаукесерге жиналған көпшіліктің көңілі бір серпіліп қалғаны сөзсіз. Өйткені, мәдени кеште шырқалған әуезді ән жүректі тербеп, әзіл сықақ қойылымдары еріксіз езу тартқызды. Концерттік бағдарлама таза қазақ тілінде өткенін айта кетейік.
Театр былтыр қазан айында жасақталғанымен, ресми ашылу салтанатын биыл өткізіп отырмыз. Себебі, өнер ұжымы қазан, қараша, желтоқсан айларында құрамын нақтылап, репертуарын бекітіп, пысықтады. Үш ай ішінде артистер дайындық жұмыстарын жүргізді. Осылайша, 2025 жылдың 31 қаңтарында салтанатты түрде ашылдық. Әзірге құрамында он шақты адам бар. Олар Торғай даласынан, Амангелді ауданынан келіп, ауданымызда еңбек етіп жатқан өнерпаз жігіттер. Болашақта кеңейтіп, ауыл жастарын тартамыз деген ойымыз бар. Бұл ұстаным ауыл тұрғындарын жұмыспен қамтуға да ықпалын тигізеді. Күні кеше өткен концерттік қойылымды көрермен ыстық ықыласпен қабылдады. Мұндай қолдау біздің артистерге үлкен шабыт сыйлады, деді аудандық мәдениет және тілдерді дамыту бөлімінің басшысы Нағима Хасанова.
Тетардың құрылғанына азғантай ғана уақыт болса да облыс көлеміндегі үлкен сахнада өнер көрсетіп үлгерді. Жаңа жыл қарсаңында, 2024 жылдың желтоқсан айында Арқалық қаласында өткен «Мірдің оғы» республикалық әзіл-сықақ театрлар фестиваліне қатысты. Биыл ауданға қарасты шалғайдағы ауылдарды аралап, концерт қоюды жоспарлап отыр. Мерейтойлық даталардың құрметіне орай қойылымдар әзірлеп, Денисов халқына мәдени демалыс сыйламақ.
Қазіргі күні өнер ұжымына Азамат Жолдыхан есімді өнерпаз жетекшілік етуде. Театрдың құрамында Әли Самат, Сырым Есенгелді, Қадиша Шаймерденова, Бекзат Ғазезов сияқты талантты қызжігіттер бар. Болашақта бұл құрамның қатарына ауданымыздың жастары да қосылады деген сенімдеміз.
Қымбат ДОСЖАНОВА
Суреттерді Денисов аудандық мәдениет бөлімі ұсынды.
Ұлттық өнер – халықтың жадын жаңғыртып, рухын асқақтататын асыл қазына. (далее…)
«Ұлттық қор – балаларға» бастамасы Қазақстан Республикасының Президенті Қасым-Жомарт Кемелұлы Тоқаевтың Қазақстан халқына 2022 жылғы…
Как известно, стадия уголовного досудебного расследования начинается с регистрации заявления, сообщения об уголовном правонарушения. (далее…)
Такие данные озвучены в Карасуском отделе полиции во время проведения заседания круглого стола. (далее…)
Еңбектің жалынына шыдап, маңдай терімен күнкөріс қамын жасап жүрген әр маманның қоғам алдындағы жауапкершілігі өлшеусіз.…
В мероприятии приняли участие прокурор Мендыкаринского района Ерлан Сарсенов, глава района Габит Бекбаев и представители…
This website uses cookies.