Арқалық маңындағы Қайыңды ауылында тұратын 39 жастағы мүсінші Айдос Есмағамбетов – Қазақстандағы гиперреализм бағытында еңбек етіп жүрген бірегей өнер иесі.
Оның қолынан шыққан мүсіндер тірі адамнан аумайды. Бейне бір сөйлеп кететіндей әсер қалдырады.
Айдос – көпбалалы отбасынан шыққан. Әкесі Әсімғали мен анасы Сәуле де – суретші. Шығармашылық оған ата-анасынан дарыған. Мектепте пәндік сабақтардан гөрі сурет салуға бейімділігі байқалған. Кейін Арқалық қаласында көркем графика мамандығы бойынша білім алады.
«Ұстаздарым адамның анатомиясын сезіну қабілетімді ерекше атап өтетін. Портрет салуға бейімділігім күшті еді. Байқауларға қатысып жүрдім, жеңілмесем де, қайтпастан тырыса беретінмін», – дейді Айдос.
2009 жылдан бері Айдос гиперреализм өнерін зерттеп, өз жолын қалыптастырып келеді. Жасалатын мүсіндердің сапасы әлемдегі әйгілі “Мадам Тюссо” музейіндегі мүсіндерден кем түспейді.
«Бұл өнерге алғаш қадам басқанда, қажетті материалдар мен технологияларды өз бетімше зерттедім. Көптеген түндерді таңға дейін көз ілмей өткізген кездерім болды», – дейді мүсінші.
Айдос көптеген тарихи және заманауи тұлғалардың бейнесін жасап шыққан. Олардың қатарында: Абылай хан, Нұрсұлтан Назарбаев, Барак Обама, Алтын адам.
«Егер тарихи тұлғаның антропологиялық деректері табылса, мүсінін жасауға дайынмын. Қазіргі адамдардың мүсінін жасау жеңіл – фотосуреттер жеткілікті», – дейді ол.
Айдос тек тарихи немесе қоғамға танымал тұлғалардың бейнесін сомдайды. Жеке адамдардың, туыстарының мүсінін жасау туралы тапсырыстардан бас тартады.
«Табиғи шаш қолданбаймын. Себебі, адамның энергиясы шашта сақталады деп есептеймін. Шетелде табиғи шашты қолдану үйреншікті болса да, мен тек арнайы жасанды материалдармен жұмыс істеймін», – дейді ол.
Мүсін жасау барысында Айдос қымбат силикондар мен арнайы бояулар пайдаланады. Шаш үлгілері – жоғары сапалы париктерден дайындалады.
Айдостың айтуынша, бір мүсінді жасауға шамамен екі ай уақыт кетеді. Бұл – мыңдаған күндік еңбектің, жүздеген сағаттық ізденістің нәтижесі. Ол өнер жолында табысқа жету үшін қаражатты емес, шеберлікті алға қоятынын айтады.
Шұға ҚОҢҚАБАЙ, сурет ашық дереккөздерден алынды
В Карасу около 100 учащихся 9–11 классов приняли участие в семинарах по буллингу. В Караманской…
Завершился очередной этап областной спартакиады среди подразделений ДЧС Костанайской области. (далее…)
Сельхозтоваропроизводители Камыстинского района завершают уборочную кампанию. (далее…)
Жангелдин ауданында жыл басынан бері қаржылық алаяқтық бойынша бір қылмыстық іс тіркелген. (далее…)
Қамысты ауданында заманауи «Қамысты Арена» дене шынықтыру-сауықтыру кешені пайдалануға берілді. Жаңа нысанда бүгінде жүзден астам…
Қазақстандық білім беру саласының басымды бағыттарының бірі – инклюзивтік. (далее…)
This website uses cookies.