Жыл сайын білім саласына көптеген тың өзгерістер енгізіліп, болашақ ұрпақтың білім мен тәрбие ісіне үлкен көңіл бөлініп келеді. Әрине, қандай адам болмасын, ұстаздан білім, тәлім-тәрбие алып өседі. Сондықтан да мемлекет тарапынан педагогтардың қоғамдағы мәртебесін арттыруға барынша мән берілуде.
Елімізде «Үздік педагог» республикалық байқауын өткізу жыл сайын дәстүрге айналған айтулы шараның бірі. Аталған байқау биыл да өз жалғасын тапты.
Мұғалімдердің мәртебесін көтеру, кәсіби шеберлігін дамыту және педагогикалық тәжірибесін арттыру мақсатында өткен байқауға біздің ауданнан екі мұғалім қатысқан болатын. Соның бірі, Ключевой орта мектебінің қазақ тілі мен әдебиеті пәнінің мұғалімі Мейрамкүл Тұяққызы Карбузова аталмыш байқауда ауданымыздың намысын жоғары деңгейде қорғады.
Байқау қорытындысы бойынша Мейрамкүл Тұяққызы бірінші орын алып, «Үздік педагог» атағына ие болды. Осылайша өскелең ұрпақтың санасына білімнің, мейірімділіктің дәнін сіңіріп, талмай еңбек етіп жүрген аудан, облыс педагогтарының мәртебесін асқақтатып, ҚР білім беру саласының үздігі атанды.
Мейрамкүл Тұяққызы ұстаз ретінде үнемі ізденуді тоқтатпай, өз білімін шыңдап отыратындардың қатарында. Ол жаңа белестерге қол созудан жалықпайтын, қайта жеңіске жеткен сайын қанаттанып, шабыттанып, жарқын істерге ұмтылатын жандардың бірі. Білікті педагог бұл жетістікке ең алдымен жұмысына деген адалдығы және сүйіспеншілігінің арқасында жеткенін алға тартады.
«Адамның адамгершілігі жақсы ұстаздан қалыптасады», «Ұстазы жақсының ұстанымы жақсы» демекші, Мейрамкүл Тұяққызының шәкірттері түрлі байқаулар мен сайыстарға, пәндік олимпиадаларға қатысып, жүлдегерлер қатарынан көрініп жүр. Әрдайым оқушыларын бүгінгі заманауи біліммен қаруландырып, жаңа өмірге жан-жақты бейімделген тәрбиелі де саналы ұрпақ болып шығуына ықпал етіп келеді.
Міне, Мейрамкүл Тұяққызының бұл жетістігі мерейімізді асырды. Бұның бәрі ауданымыз, облысымыз үшін үлкен мақтаныш, әрі абырой.
Мейрамкүл Тұяққызын жеңісімен құттықтай отырып, жұмысына шығармашылық табыс, дарынды-талантты шәкірттерінің қатары көбейіп, қажырлы еңбегіңіз жана берсін демекпіз.
Жаңабай АХМЕТОВ
Суретті ұсынған білім беру бөлімі
В Наурзумском районе уже третий год подряд проводится масштабная работа по модернизации электрических сетей. (далее…)
25 машин получили 9 учреждений лесного хозяйства области. (далее…)
Лето традиционно ассоциируется с отдыхом и каникулами для школьников. Однако для образовательных учреждений этот период…
17 июня в Денисовском районе состоялась торжественная церемония награждения выпускников, чей многолетний труд, упорство и…
Председатель районного Совета ветеранов Серик Айтмагамбетов, ветеран государственной службы Сара Кинтонова и ветеран педагогического труда…
На сегодн уже построены более 2,7 километров железнодорожной ветки. (далее…)
This website uses cookies.