Ауданымызда білім саласы қызметкерлерінің дәстүрлі тамыз конференциясы өтті.
Жиынға аудан әкімі Мәди Ихтиляпов, мәслихат хатшысы Гүлсім Әбенова, ҚОәББ техникалық және кәсіптік білім беру бөлімінің бас маманы Дастан Байешов, аудандағы білім беру ұйымдарының басшылары, ардагер-ұстаздар қатысты. Тамыз кеңесінде білім беру саласындағы өзекті мәселелер мен жетістіктерді сараланып, жаңа оқу жылына арналған міндеттер айқындалды. Тамыз конференциясын аудан әкімінің орынбасары Амангелді Тлеубергенов ашып, жүргізіп отырды.
Кеңес отырысында алғаш сөз алған аудан басшысы білім беру саласындағы мемлекеттік қолдау шараларын, саладағы негізгі басым бағыттарды атап өтіп, алдағы жаңа оқу жылында педагогтарға сәттілік тіледі.
Конференцияда аудандық аудандық білім бөлімінің әдістемелік кабинетінің меңгерушісі Ақгүл Хамзина 2024-2025 оқу жылында атқарылған жұмыстары мен алдағы міндеттер туралы баяндама жасады. Атап өту керек, өткен оқу жылында ауданымыздағы білім беру ұйымдарындағы ҰБТ-ке қатысқан оқушы саны 42 болды. Оқушылардың тестілеудегі білім деңгейі жалпы орта балл – 72,8% құрады. ҰБТ-ның оңды нәтижесінде 15 бітіруші грант иегері атанды.
2025 жылдың 2 қыркүйек күні ауданымыздағы білім беретін 10 мектепте алғашқы қоңырау 1095 оқушымен соғылғалы тұр, 1 сыныпқа мектеп табалдырығын аттағалы тұрған оқушылар саны 104 бала, 1 шығармашылық үйі 384 баламен 15 үйірмеге жоспарлануда, 5 мектепке дейінгі мекемелермен 7 шағын ортылықпен жаңа оқу жылын бастағалы отыр.
Сонымен қатар, конференцияда Науырзым жалпы білім беретін мектебінің директоры Гүлмайра Сүйінбекова мен “Балдырған” бөбекжай-бақшасының меңгерушісі Гаухар Нұрғожина баяндама жасап, білім саласындағы жетістіктерді сөз етті.
Жиын соңында білім беру саласына ерекше үлес қосқан ұстаздарға облыс әкімі Құмар Ақсақаловтың және аудан әкімінің Құрмет грамотасы табыс етілді. Осы айтулы шарада Науырзым ауданының білім саласында өшпес із қалдырған ардагер ұстаздар мен ұлағатты ұстаздарға Науырзым ауданының 60 жылдық төсбелгісі табысталды. Қостанай облысы білім басқармасы мен аудан аудандық білім бөлімінің алғыс хаттарымен бір қатар азаматтар марапатталды.
Жібек МЫРЗАҒАЛИ
Фотоны түсірген автор
Приезжих обеспечат жильем, помогут найти работу и при необходимости будут поддерживать первое время. Об этом…
В Костанае наградили призёров культурно-просветительского конкурса. (далее…)
Библиотечный стаж Михалиных-Нагорных – 76 лет. (далее…)
Вот уже 15 лет он зажигает в сердцах детей любовь к спорту. А ведь раньше…
Ақтеңге Бабенова 28 жылдан бері ауыл саудасын дамытып келеді. (далее…)
Ауданық орталықтандырылған кітапхана жүйесінде мәдени-әлеуметтік акциясы өтті. (далее…)
This website uses cookies.