Бүгін еліміздегі ұлық мереке – Республика күніне мерекелік іс шара өтті.
1990 жылдың 25 қазан күні ҚазССР- нің мемлекеттік Егемендігі туралы Декларация қабылданып, 2001 жылы республика күні деп жалпақ жұртқа жария еткен болатын. 8 жыл өткен соң мемлекеттік мерекелер тізімінен алынып тасталып, араға 13 жыл салып мемлекет басшысы Қасым Жомарт Кемелұлы Тоқаевтың бастамасымен бұл мейрам ұлттық мереке ретінде қайта тойланатын болды.
Мерекелік іс шараға аудан басшысы Мәди Ихтиляпов қатысып, ұлық мерекеге жиналған халықты құттықтады.
– Осы мереке күні Сіздерге біздің ортақ үйіміз – Қазақстан Республикасында амандық, бақыт, бейбітшілік, келісім тілеймін! Тәуелсіздігіміз тұғырлы, егемендігіміз баянды болғай! Көк байрағымыз көгімізде желбірей берсін, – деді аудан басшысы.
Осы мерекеде аудан әкімі бір қатар азаматқа облыс әкімінің және аудан әкімінің Құрмет грамоталарын табыстады.
Бүгінгі осындай керемет мереке күні ауданымыздың ардақты да құрметті азаматтары, еңбек ардагерлері, көп жылдар бойы ауданда, ауданның шарушылықтарында жетекшілік етіп, ел тіршілігін ойлаған еңбекқор, Науырзым өңірінің өміріне, оның өркендеуіне, рухани өміріне аямай күш – жігерін салысқан ағаларымыз Бекбаев Жұматай Тілепұлына және Серғалиев Тобылжан Серғалиұлына «Науырзым ауданының құрметті азаматы» атағы берілді.
– Бүгін республика күні қарсаңында Науырзым ауданының басшылары көп жылғы еңбегімізді бағалап осындай атақ беріп жатыр. Республика күнінің мемлекеттік деңгейде, елімізде тұратын барша ұлт пен ұлысқа ортақ мереке ретінде тойлануы – халқымыздың бойына қуат, жүзіне қуаныш сыйлаған оң шешім. Рухани құндылығымызды, қазақы қайсар рухымызды, бай тарихымызды, бабадан қалған даланың мұрагері ретінде алты алашты әлемге таныту арқылы осы тарихи датаның біз үшін қасиеттілігін аша білуіміз, көрсете алуымыз қажет. Сол себепті бұл күннің қажеттілігі мемлекетіміз үшін зор деп санаймын. Еліміз аман, жұртымыз тыныш болсын!- дейді Жұматай ағамыз.
Мерекелік шара аудандық мәдениет үйінің өнерпаздарының концерттік бағдарламасымен жалғасын тауып, көрерменге жақсы көңіл күй сыйлады.
Жібек МЫРЗАҒАЛИ
Фотоны түсірген автор
Об этом сегодня, 18 марта, в ходе инспектирования медицинского объекта сказал аким области Кумар Аксакалов.…
Когда село пустеет, а статус административной единицы упраздняется, на торги выставляются последние свидетельства былой жизни…
Ұзынкөл ауданында жұмыспен қамту және әлеуметтік бағдарламалары бөлімі әлеуметтік жобасы аясында кезекті кездесу өтті. (далее…)
«Ана бір қолымен бесікті тербетсе, екінші қолымен әлемді тербетеді», - деп бекер айтылмаса керек. (далее…)
Соответствующие данные опубликовали на сайте Управления ветеринарии региона. (далее…)
25 ақпан мен 2 наурыз аралығында Қызылорда қаласында 2012 жылы туған қыздар арасында бокстан Қазақстан…
This website uses cookies.