Оның ашылуы қазақтың дәстүрі бойынша шашумен басталды
Жыл сайын ауданымызда ауылдық жерлергедегі мектептерге, спорт алаңдарыңа, мәдени ошақтарына көптеп көңіл бөлінуде.
Аудан әкімі Марат Шымырбеков ауыл халқын құттықтап, жүрекжарды лебізін білдірді.
-Мемлекет басшысы ауылдарға көңіл бөлуді жиі айтып келеді. Бұл соның аясында атқарылған жұмыстардың бір парасы. Әлі талай осы ауылда көптеген істер іске асатынына кәміл сенемін.
Ауылдық клуб барлық жастағы ауыл тұрғындары жиналатын орынға айналсын. Бұл жер мәдени іс-шаралардың бастауы болып, талантты жастардың санын арттыруға сүбелі үлес қосады деп сенемін. Міне, осынау жарқын сәтпен тағы да баршаңызды құттықтаймын. Ауылымыз гүлденіп, көркейе берсін, – деді ол. Сонымен қатар, Марат Лесбекұлы ауылдың әлеуметтік-экономикалық дамуына үлес қосып жүрген бір топ кәсіпкерге Алғыс хаттар табыстады. Олардың қатарында – «Нұр-Айгер-СК» ЖШС директоры Серікбай Қабетұлы Жұмағұлов, «Капанадзе» шаруа қожалығының басшысы Григол Леванович Капанадзе және жеке қожалық басшысы Жаңатай Бақытжанұлы Жаналипов болды.
Сонымен қатар, іс-шара барысында «Капанадзе» шаруа қожалығының басшысы, аудандық мәслихаттың депутаты Григол Капанадзе сөз сөйлеп, жерлестерін құттықтады. Ауыл ақсақалы Баян Оңғаров та ақ батасын берді.
-Құрметті ауылдастарым! Сіздерді осындай тамаша сәт – ауылдық мәдени клубтың ашылуымен құттықтаймын. Бұл бізге көптен бері қажет болып жүрген іс еді. Міне, бүгін күрделі жөндеуден өткен клубтың ашылуына қатысып жатырмыз. Бүгінгі іс-шара біз үшін, өскелең ұрпақ үшін өте керек. Осының басы-қасында жүрген барша азаматқа ауыл халқының атынан алғысымды айтамын. Жыл сайын ауылымызда осындай жарқын істер көбейіп, ауылымыз дами берсін, – деді ауыл ақсақалы.
Ауданымыздың белгілі кәсіпкері Серікбай Жұмағұлов та сөз алып, ауылдық мәдени клубқа қолдау ретінде биылғы астық науқанынан кейін 1 миллион теңге сыйлайтынын айтып, халықты бір қуантып тастады.
Айта кетейік, ауылдық мәдени клубы ауыл шаруашылығы тауар өндірушілері мен жергілікті атқарушы биліктің бірлескен жобасы аясындағы жұмыстың нәтижесі.
Жалпы, ауылдағы клубтың ашылу салтанаты аудан және ауыл өнерпаздарының мерекелік концерттік бағдарламасына ұласты.
Руслан ӘЛКЕЕВ.
Суреттерді түсірген автор
Ұлттық өнер – халықтың жадын жаңғыртып, рухын асқақтататын асыл қазына. (далее…)
«Ұлттық қор – балаларға» бастамасы Қазақстан Республикасының Президенті Қасым-Жомарт Кемелұлы Тоқаевтың Қазақстан халқына 2022 жылғы…
Как известно, стадия уголовного досудебного расследования начинается с регистрации заявления, сообщения об уголовном правонарушения. (далее…)
Такие данные озвучены в Карасуском отделе полиции во время проведения заседания круглого стола. (далее…)
Еңбектің жалынына шыдап, маңдай терімен күнкөріс қамын жасап жүрген әр маманның қоғам алдындағы жауапкершілігі өлшеусіз.…
В мероприятии приняли участие прокурор Мендыкаринского района Ерлан Сарсенов, глава района Габит Бекбаев и представители…
This website uses cookies.