Үздік спортшылар марапатталды
Аудандық мәдениет үйінде облыстық спартакиададан жүлдемен оралған спортшыларды құрметтеп марапаттау рәсімі өтті.
Салтанатты жиынға қатысқан аудан әкімінің орынбасары Әлия Бекмағамбетова ауданымыздың спортшыларын құттықтап, байрақты бәсекелерде аудан намысын абыроймен қорғап жүрген азаматтарға ризашылығын білдірді.
– Бізде мықты спортшылар көп. Оны ауданда, ауданнан тыс жерлерде өткен жарыстарда анық байқадым. Сондықтан спортқа, спортшыларға жан-жақты қолдауды күшейте түсетін боламыз. Олардың мәселелері оң шешімін табуы тиіс»,- деді Әлия Молдабайқызы құттықтау сөзінде.
Аудан әкімінің мадақтама қағаздарымен облыстық спартакиадада 1 орындарға ие болған Роман Ниязев (жеңіл атлетика) пен Бақытбек Мусин (еркін күрес), 2 орынды еншілеген Аян Кабалаков (еркін күрес) және 3 орындарды місе тұтқан Любовь Гузиева (әйелдер күресі) мен Елизавета Ширина (әйелдер күресі) марапатталды. Сонмен қатар, спартакиадаға өз үлесін қосқан жаттықтырушылар мен әдіскерлер және дене тәрбиесі пәнінің мұғалімдерінің мерейі үстем болды. Олардың қатарында – Виктор Долгих, Арман Шаймерденов, Артем Науменко, Виктор Старченко, Алибек Шонов, Тәтімбет Мусин, Нұрлан Тайжанов, Владимир Головков, Полина Пошатова, Александр Шлоссер, Нұрша Данияров және Арман Дандыбаевтар болды.
Салтанатты кеште мәдениет саласының қызметкерлері өнер көрсетті.
Руслан ӘЛКЕЕВ
В Карасу около 100 учащихся 9–11 классов приняли участие в семинарах по буллингу. В Караманской…
Завершился очередной этап областной спартакиады среди подразделений ДЧС Костанайской области. (далее…)
Сельхозтоваропроизводители Камыстинского района завершают уборочную кампанию. (далее…)
Жангелдин ауданында жыл басынан бері қаржылық алаяқтық бойынша бір қылмыстық іс тіркелген. (далее…)
Қамысты ауданында заманауи «Қамысты Арена» дене шынықтыру-сауықтыру кешені пайдалануға берілді. Жаңа нысанда бүгінде жүзден астам…
Қазақстандық білім беру саласының басымды бағыттарының бірі – инклюзивтік. (далее…)
This website uses cookies.