Бұл шара «Аққозы қажы» аудандық орталық мешітінің ұйымдастыруымен өтті
Қасиетті Рамазан айының екінші жұмасында жүзеге асқан сауапты шараға белгілі кәсіпкер, мешіт жанашыры, тұрақты демеуші болып жүрген Нұрсұлтан Тұрсынов деген азамат мұрындық болды.
«Олжа Агро» ЖШС-нің өңіраралық директоры Нұрсұлтан Тұрарұлының қайырымдылыққа берген қара малы мешіт алдында сойылып, оның барлық еті тұрмысы төмен отбасылар мен мұқтаж жандарға таратылды.
-Нұрсұлтан бауырымыз осындай игі бастаманы дәстүрлі түрде ұйымдастырып келеді. Биыл да «Ауыз ашар қоржыны» акциясына қатысып, құны шамамен 450 мың тұратын қара малды қайырымдылыққа беріп отыр. Алла тағала: «Игі жолда не сарп етсеңдер де, сауабы өздеріңе толық беріледі…» – деген (Бақара сүресі, 272 аят). Демеуші азаматтың ісіне береке тілейміз, жасап жатқан қайырымдылық ісін Алла сауаптан жазсын, – дейді ауданның бас имамы Нұрбол қажы Балахметов.
Жалпы, осы іс-шара барысында 43 отбасыға 258 келі ет таратылды. Бұл игілікті іске мешіт имамдары мен жамағаты сауап ниетімен атсалысып, көмек көрсетілген аудан тұрғындарының алғысына бөленді.
Айта кеткен жөн, алдағы уақытта да қайырымды іс жалғасын табатын болады. Олай болса, қасиетті Рамазан айында, Ораза күндері қайырымдылық жасауға асығайық, ағайын!
Руслан ӘЛКЕЕВ
В районном Доме культуры состоялось торжественное мероприятие, посвященное Дню защитника Отечества Республики Казахстан. (далее…)
Ребята с благодарностью отметили, что чтят память своих предков. Об этом пишет "Наш Костанай" (далее…)
Как отмечает аким района Ерлан Жаулыбаев достижение показателей обеспечено за счет строительства индивидуального жилья и…
Жангелдин ауданында жыл басынан бері бірде-бір интернет алаяқтық фактісі тіркелмеген. (далее…)
Егіс алқаптары 30 пайызға қысқаруы мүмкін. (далее…)
This website uses cookies.