Торғайда Жангелдин ауданының «Құрметті азаматы», спорт ардагері әрі ұлағатты ұстаз Ербатыр Сейтқазыұлы Рахатовты еске алуға арналған ерлер арасындағы дәстүрлі волейбол турнирі жоғары деңгейде ұйымдастырылып, өз мәресіне жетті.
Екі күнге созылған жарыста командалар тартысты ойын өрнегін көрсетіп, көрермендердің ыстық ықыласына бөленді. Турнирге жиналған спорт сүйер қауым қатысушылардың шеберлігіне куә болды.
Нәтижесінде 1974 жылы туған азаматтардан құралған команда чемпион атанды. 1975 жылғы ойыншылар күміс жүлдені иеленсе, 1969 жылғы команда үздік үштікті түйіндеді. Ал төртінші орын 1971 жылғы азаматтарға бұйырды.
Жарыс соңында жеңімпаз командалар арнайы кубоктармен және қаржылай сертификаттармен марапатталды. Атап айтқанда, бірінші орын иелеріне 300 мың теңге, екінші орынға 200 мың теңге, үшінші орын алған командаға 130 мың теңге, ал төртінші орын иелеріне 80 мың теңгелік сертификаттар табысталды. Сонымен қатар турнирге қатысқан өзге командалар да сый-сияпатқа ие болды.
Турнир барысында ардагер спортшыларға ерекше құрмет көрсетіліп, иықтарына шапан жабылды. Сондай-ақ 1967 жылғы азаматтар атынан жеңімпаз команда мүшелеріне спорттық киімдер сыйға тартылды.
Бұдан бөлек, жарыс кезінде шебер ойын өрнегімен көзге түскен спортшылар арнайы аталымдар бойынша марапатталып, естелік сыйлықтармен марапатталды.
Шұға ҚОҢҚАБАЙ
Суреттерді түсірген – Сымбат Кенжеғали
Забота о родном крае, благоустройство и наведение порядка для сельчан давно стали не просто разовыми…
В Карьерном центре Узункольского района состоялась содержательная и по-настоящему полезная встреча с гражданами, состоящими на…
Индивидуальную консультативную работу с участниками провела юрист ОФ «Жанашыр бол» Жасгуль Тогжанова. В ходе личных…
Ұзынкөл ауданында бірегей мәдени-профилактикалық іс-шара – «Заң және тәртіп: жауапкершілік аумағы» атты миға шабуыл әрекетінен…
Сильнее всего выросли цены на пиво — более чем в два раза. Водка и вино…
Новая система будет отводить дождевые и талые воды из микрорайонов Астана и Байтерек. (далее…)
This website uses cookies.