Өзінің шебері Дариға Уразалдинова жөнінде
Ұстаз… Қандай қасиетті сөз! Әр адамның жүрегіне ерекше жылулық нұрын себетін аяулы тұлға бейнесімен өзектес ұғым.
Адам баласының жүрегінде қадір тұтып, құрметтейтін екі ұғым болса, соның бірі- Ұстаз. «Ұстаз» деген қазақ баласы үшін қашанда қасиетті, қадірлі болған.
«Ұстаздан тәрбие алған» немесе «ұстаз алдын көрген» деген сөздер құлаққа «ана тәрбиесін алған» деген сөздермен ұштасып жатады. Ұстаз әр адамның жанына білім дәнін сеуіп, әр шәкіртін аялап, өмір атты шексіз ғаламға топшысын қатайтып ұшырады.
Дәлірек айтсақ, адамды өмір сүре білуге тәрбиелейді. Сол үшін бойындағы асыл қасиеттерін шәкірттеріне сіңіріп, тер төгеді. Кез келген мұғалім ұстаз бола алмайды.
Себебі, ұстаздық өнер – тағылымы терең өнер. Ал өнерлі болу кез- келген адамға қона бермейді. Олай болса, шын ұстаз болу үшін табиғи дарын, ізгілікті ізденіс пен ерен еңбекке ұштастырылуы шарт. «Шәкіртсіз ұстаз тұл» деген де тегін айтылмаса керек.
Қиындығымен қызығы бірге жүретін осынау мамандықтың шынайы иесі болу үшін көп қиындықтардан өтеді. Сондай тұлғаның бірі Қостанай құрылыс колледжінде еңбек етуде.
34 жылдан астам уақытта Дариға Жақанқызы Уразалдинованың құрылысқа еңбегі сіңген. Өзінің еңбек жолын ол “Қостанайгорсельпроект” мекемесінде инженер-құрылысшы болып бастаған.
Белгілі маман 2002 жылдан бастап білім беру саласында қызмет атқарып, өз білімі және тәжірибесімен студенттермен бөлісуде. Әр сабағына тыңғылықты дайындалып, студенттерді білім нәрімен сусындатып ғана қоймай, тәлім – тәрбие беру, өмірге икемдеу, адалдыққа баулу, адамгершілік қасиеттерді бойына дарыту бағытында да тындырып жатқан істері ауыз толтырып айтарлықтай.
«Ұстаз болу өз уақытын аямай, өзгенің бақытын аялау» деп ұлы жазушымыз Мұхтар Әуезов айтқандай, уақытпен санаспай балалардың болашағы үшін аянбай жұмыс атқарса, еңбегі еленетіні даусыз.
Қостанай құрылыс колледжінің арнайы пәндер оқытушысы Дариға Жақанқызы еліміздің Тәуелсіздігінің 25 жылдығы қарсанында Қазақстан Республикасы Инвестициялар және даму министрлігінің “Құрметті құрылысшы” төсбелгісімен марапатталды.
Осынау құрметке құрылыс саласында кемінде 10 жыл жұмыс өтілі бар, өзін жан-жақты көрсеткен әрі өз саласының нағыз майталмандары ғана бөленеді.
Оған алдағы уақытта да мықты денсаулық, қызметінде жоғары табыстар тілейміз.
Д. Тастембекова,
Қостанай құрылыс колледжінің бөлім меңгерушісі
Денисов ауданы бойынша пробация қызметінің есебінде тұрған азаматтарға кешенді қолдау көрсету жұмыстары үздіксіз жүргізілуде. (далее…)
Многодетные мамы получили награды за самоотверженность и любовь к детям, заслужив особое признание. (далее…)
В зимний период снегопады значительно осложняют передвижение пожилых людей и создают опасность при выходе из…
В прицепе грузового автомобиля находились 40 голов крупного рогатого скота. (далее…)
Біз оқырман назарына Торғай мұражайлар кешенінен табылған құнды жәдігердің тарихын ұсынуды жөн көрдік. (далее…)
Ресеймен шектесетін ауылдар — мемлекеттік шекара әлдеқашан картадағы сызық болудан қалып, күнделікті өмірдің бір бөлігіне…
This website uses cookies.