Жолдар қалыпқа келтіріледі
Биыл су тасқыны кезінде маңызы бар тас жолдарды су жырып, жол қатынасын күрт үзді. Соның салдарынан Торғай – Арқалық тас жолы екі жерден бұзылды. Яғни Тәуіш ауылының және «Қисық қарасу» бөгетінің тұсынан қаққа айырылды. Судың қарқыны бәсендегеннен кейін облыс әкімінің тапсырмасына сәйкес, облыстық жол басқарамасы іске кірісіп, уақытша қалыпқа келтірді.
«Осы апта соңына дейін жобалау ұйымы сметаны және жұмыс көлемін айқындайды. 1 тамызда жөндеу-қалпына келтіру жұмыстары басталады. Қыркүйек айында құрылыс жұмыстары толығымен аяқталады деп жоспарланып отырмыз. Әзірге бұзылған жерлерді қалыпқа келтіріп, суағарлар саламыз. Жырылған жерлерді тіктеп, шибін тас төсеп, таптаймыз. Ал, асфальт жабындысы келесі жылы төселеді», – дейді облыстық жол басқармасының мамандары.
Сонымен қатар, «Тоқанай-Саға-Алтынсарин» автомобиль жолының 34-49 шақырымына орташа жөндеу жұмыстары жүргізілетін болады. Ал, «Шұбалаң-Ахмет Байтұрсынұлы» ауылдарының автомобиль жолының 57,6-107,6 шақырымы жөнделеді. Шилі ауылдық округі мен Сарысу ауылының кіреберісі де жөнеделеді деген үміт бар. Су тасқынынан кейін Ахмет Байтұрсынұлы және Тәуіш ауылдарының көше жарықтарын модернизациялау барысында 106 баған және жарық шамдары орнатылады. Сужарған ауылының жастары үшін 10 млн теңгеге шағын футбол алаңы салынды.Тәуіш, Саға, Аралбай, Қалам-Қарасу, Көкалат ауылдарының сәулеттік келбетін жақсарту үшін 31 млн теңгеге 4250 метр «Евро» қоршаулар орнатылады. Үкіметтің назарына ауылдарға бұрылғаны қуанышты хабар.
Байбатыр АХМЕТБЕКОВ
Об этом сегодня, 18 марта, в ходе инспектирования медицинского объекта сказал аким области Кумар Аксакалов.…
Когда село пустеет, а статус административной единицы упраздняется, на торги выставляются последние свидетельства былой жизни…
Ұзынкөл ауданында жұмыспен қамту және әлеуметтік бағдарламалары бөлімі әлеуметтік жобасы аясында кезекті кездесу өтті. (далее…)
«Ана бір қолымен бесікті тербетсе, екінші қолымен әлемді тербетеді», - деп бекер айтылмаса керек. (далее…)
Соответствующие данные опубликовали на сайте Управления ветеринарии региона. (далее…)
25 ақпан мен 2 наурыз аралығында Қызылорда қаласында 2012 жылы туған қыздар арасында бокстан Қазақстан…
This website uses cookies.