Құрылыс жұмыстары қарқынды жүріп жатыр
Биыл аудан көлемінде көптеген құрылыс жұмыстары жүзеге асады. Мәселен, аудан орталығындағы 14 көшеге асфальт жабындысы төселеді. Құны 386 млн 489 теңге болатын құрылыс жұмысын Арқалық қаласындағы «Алюминстрой» жауапкершілігі шектеулі серіктестігі ұтып алып, мердігер атанды. Алдағы күндері жұмысқа жұмыла кірісетін болады.
Былтырғы жылы асфальт жабындысы төселеді деген көшелер мердігердің салғырттығынан жүзеге аспай қалды.
«Торғай ауылы бойынша жоспарланған жұмыстар легі көп. Қаржы мәселесі шешіліп тұр. Өткен жылы жасалмаған құрылыс жұмыстарын биыл қайтадан жалғастырамыз. Айтар болсам, Құлжановтар, Мәуленов, Қасымхан Алтынсары, Тоқтабаев көшелеріне жаяу жүргіншілер жолын төсеу жұмыстары басталып кетті. Яғни, жалпы ұзынды 2200 метр жерге облыстық бюджеттен 45 млн 170 мың теңге қаржы бөлінді. Мердігер «Жанас – А» жауапкершілігі шектеулі серіктестігі жергілікті жердің адамдарын жұмыспен қамтып, іске кірісіп кетті. Бастысы құрылыс жұмыстарының сапасына мән беретін боламыз. Оның сыртында абаттандыру жұмыстарын қолға аламыз. «Жасыл ел» бағдарламасы бойынша жастарды жұмысқа тартып, солар арқылы аудан орталығындағы саябақтарды қалыпқа келтіреміз. Жұмыспен қамтылған жастар көшет ағаштарын күтіп, баптап, тазалық жұмыстарына зейін қояды. Біз үшін маңыздысы Торғай ауылының көркеюі», – дейді Торғай ауылының әкімі Кемеңгер Қарағұл.
Аудан орталығындағы көше асфальттары осыдан 45 жыл бұрын салынған. Соңғы екі жыл көлемінде бірқатар көшелер қайтадан асфальтталды. Енді 14 көшеге асфальт жабындысы төселетін болса, толығымен жаңарады.
Байбатыр АХМЕТБЕКОВ
Ұлттық өнер – халықтың жадын жаңғыртып, рухын асқақтататын асыл қазына. (далее…)
«Ұлттық қор – балаларға» бастамасы Қазақстан Республикасының Президенті Қасым-Жомарт Кемелұлы Тоқаевтың Қазақстан халқына 2022 жылғы…
Как известно, стадия уголовного досудебного расследования начинается с регистрации заявления, сообщения об уголовном правонарушения. (далее…)
Такие данные озвучены в Карасуском отделе полиции во время проведения заседания круглого стола. (далее…)
Еңбектің жалынына шыдап, маңдай терімен күнкөріс қамын жасап жүрген әр маманның қоғам алдындағы жауапкершілігі өлшеусіз.…
В мероприятии приняли участие прокурор Мендыкаринского района Ерлан Сарсенов, глава района Габит Бекбаев и представители…
This website uses cookies.