Qostanai.Media – ГЛАВНЫЙ ПОРТАЛ

Соғыс және еңбек ардагеріне құрмет

Ұлы Отан соғысының ардагері және еңбек ардагері Қапар Төртбайұлының 100 жылдығына арнап, өзі тұрған үйінің қабырғасына мемориалдық ескерткіш тақта қойды. Айтулы іс – шараның ұйымдастырушылары соғыс ардагерінің ұрпақтары. Мемориалдық ескерткіш тақтаның ашылу салтанатында Жанкелдин ауданының «Құрметті азаматтары» Нүредтен Молдабеков, Жұмақан Садуақасов, Қарсақбай Бірмағанбетов сөз сөйлеп, естен қалған естеліктерімен бөлісті.

Қапар Төртбайұлы соғысқа дейін «Соцалистік ауыл» газетінде орта есепші және әріп теруші болып қызмет істеген. 1943 жылы Отан алдындағы борышын өтеу үшін Челябинск облысы Шұбаркөл – Зластук лагерінде болған.

«1943 жылы қырқүйек – 1948 жылы мамыр Ұлы Отан соғысына қатысып, 6 жыл бойы соғыстың ауыр кезеңдерін бастан өткізген. Ұлы Отан соғыс кезінде, Украинамен Белорус республикаларын азат ету, Варшаваны алу, Прага мен Кенигсбергті азат ету, Берлинді алу соғыс операцияларына, №2 Украин фронты бойынша қатынасқан. Ұлы Отан соғысы кезіндегі ерекше ерліктеріне байланысты «ІІІ-Данқ» ордені, Варшаваны алу, Прагамен Кенигсбергті азат ету медалі «За Отвагу», Ұлы Отан соғысындағы Жеңіс медалімен нагарадталған. 1949 жылы қаңтар айы – 1951 жылы ақпан айларында Аудандақ Комсомол комитетінің секретары. 1951-1956 жылдары Аудандық партия комитетінің инстукторы қызметін атқарды.1950-1960 жылдары Жангелдин ауданы райпотребсоюз мекемесінің сауда бөлімін басқарды.1960 жылы мамыр – 1963 жылдары Тортбаев Қапер ауданның ХХІ-партсъез совхозының жұмысшылар комитетін басқарды.1963 жылы шілде айы – 1968 жылы қазан айларында совхоздың №5 бөлімшесінде мал маманы-зоотехник міндетін атқарған», – дейді ұлы Абзал Төртбаев.

Тортбаев Қапер 1980 жылы қазан -1984 жылдары аудандық райпотребсоюздық «Оптовый» базаның қойма меңгерушісі жұмысынан, 1985 жылы шілде айында зейнеткерлікке шықты. Адал еңбек, озық білім, өмірлік тәжірибе арқасында, өзі қызмет атқарған уақытында басқару орындарынан жазалау алмаған. Әр салада жұмыстар атқарған ортада , ағайын туыстарға қамқорлық көмектері ерекше болған. Өзі туған аудан орталығында №16 Октябрь (қазіргі Кейкі – батыр) көшесіндегі үйінде 25 жыл тұрған. 2001 жылы қаңтар айында дүниеден озды. Артында жары , ұрпақтары , немере – шөберелері қалды.

Байбатыр АХМЕТБЕКОВ