Басқосуда осы жайлы кеңінен айтылды
Жуырда Жітіқара аудандық «Ержан Тәтішев» мешітінің бас имамы Мейіржан Бердіғожин аудандағы екі қазақ мектебінде ұйымдастырылған кездесуге қатысты.
Аталмыш білім ордаларындағы жиынның басты тақырыбы – «Діни экстремизм мен терроризм» болды. Мұнда бас имам жиналғандарға өз ойын білдірді.
Басқосуда дін қайраткері Ислам – бейбітшіліктің діні және қантөгіс атаулының дінімізге жат екендігіне тоқталды. Сондай-ақ асыл дініміз әр адамның ар-намысы мен өміріне зиянын тигізбеуге, азаматтардың діни сенімі мен түр-сипатына қарамай мейірімді, сыпайы болуға шақыратынын да тілге тиек етті.
Қазіргі таңдағы, әсіресе, жастарымыздың арасында діни сауаттылықты арттыру – діни алауыздықтан сақтандыратынын, кейбір жастардың діни уағызды кез-келген жерде кездейсоқ адамдардан естіп, соның нәтижесінде адасушылыққа тап болатынын да жасырмады.
Жастардың жат ағымның жетегінде кетпей, ислами дұрыс бағытта жүруінің бірден-бір ықпалы ата-ананың тәрбиесіне де қатысты екендігін еске салды. Әрбір әке-шеше өз перзентінің болашағын ойлап, олардың нағыз тәлімгері атанулары қажет екендігін де әңгімесіне өзек етті.
Жиын соңында бас имам Мейіржан Қапарұлы ата-аналардың қойған сауалдарына нақты және толық жауап берді.
Сондай-ақ, жалпы Ислам дініне қатысты сұрақтар бойынша тек қана Қазақстан мұсылмандары діни басқармасының бекіткен мешіт имамдарына қоюлары керек екендігін ескерте келіп, қажетті мағлұматты тек аталған басқарманың ресми сайттарынан ғана алулары керектігіне де тоқталды.
Оразалы Жақсанов
Инвестиции увеличились на 29%, а ввод жилья — в два раза. (далее…)
Об этом рассказал аким села Боровское Жасулан Турагулов. (далее…)
Арқа ауылының тұрғыны ауласын ертегі әлеміне қалай айналдырды? (далее…)
Количество возгораний выросло, однако их общая площадь сократилась почти на 93%. (далее…)
Денисов ауданында өлке табиғатын, көрікті жерлерін жас ұрпаққа таныстыру мақсатында «Юный турист» үйірмесі жұмыс істейді.…
Об этом нам сообщили подписчики. (далее…)
This website uses cookies.