Шын жүйрікке шаршы алаңда тұсау жоқ.
Албанияның Тирана қаласында өткен халықаралық рейтингілік Muhamet Malo Ranking Series турнирінде қазақстандық балуан Лаура Алмағанбетова 55 келі салмақ дәрежесінде алтын медаль жеңіп алды. Байрақты бәсекеде отандасымыз жоғары деңгейдегі қарсыластарын айқын басымдықпен жеңіп, тұғырдың ең биік сатысына көтерілді.
Жеңімпаз спортшыны туған жерінде жанкүйерлері зор қошеметпен қарсы алып, жеңісімен құттықтады.
Лаура жарысты үндістандық Пушпа Пушпамен кездесуден бастады. Бұған дейін төрт жыл бұрын Азия чемпионатында қарсыласынан жеңіліп қалған еді. Бұл жолы қазақстандық балуан жігер танытып, 3:1 есебімен сенімді жеңіске жетті.
«Албанияда өткен турнирден бірінші орын алып келдік. Алғашқы белдесуде үнді спортшысымен күрестім. Бұрын жеңіліп қалған едім, осы жолы есені қайтардым. Екінші айналымда Еуропа чемпионы неміс қызымен алғаш рет кездестім. Финалда украиналық спортшыны жеңдім. Бұл – рейтингілік турнир. Алматыда екі апта оқу-жаттығу жиынын өткізіп, тыңғылықты дайындалдық», – деді Лаура.
Жартылай финалда Германия өкілі Анастасия Блейвасты 6:1 есебімен жеңген Лаура финалға жолдама алды. Шешуші белдесуде украиналық қарсыласын 3:2 есебімен ұтып, жарысты алтын медальмен қорытындылады.
Балуанның бапкері Сәндібек Сәрсеновтің айтуынша, бұл жарысқа спортшы ерекше дайындықпен барған.
«Алдыңғы жарыста екінші орын алып қалғанбыз. Сондықтан бұл жолы жан-жақты дайындалдық. Соның нәтижесінде алтын медальға қол жеткіздік. Биыл өтетін Азия ойындарына қатысу – басты мақсатымыз. Келесі жарыс – Азия ойындарына іріктеу турнирі», – деді бапкер.
Айта кетейік, бұл жеңіс Лаура Алмағанбетованың халықаралық аренадағы беделін арттырып қана қоймай, алдағы Азия ойындары алдындағы маңызды қадам болды.
Руслан ӘЛКЕЕВ
Суреттерді спорт бөлімі ұсынды
Цель масштабной республиканской экологической инициативы «Таза Казахстан», предложенной Президентом РК Касым-Жомартом Токаевым, — очистить страну…
В Костанайском филиале Фонда социального медицинского страхования поделились актуальной статистикой по охвату населения района системой…
Қалам-Қарасу қалай «Үлгілі ауылға» айналды? (далее…)
Долгожданный комфорт и цивилизация приходят в малые населенные пункты Костанайской области. Сделан первый, но самый…
Совсем скоро в Павловском появится безопасное место для забав и игр (далее…)
Жителей ожидает публичное обсуждение стоимости коммунальных услуг (далее…)
This website uses cookies.