Биылғы көктемгі егістік шаруаларға қолайлы болады деп болжануда. Синоптиктер мамырдың алғашқы қос онкүндігі орташа қоңыржай, ал айдың соңы күрт ысиды деген болжам жасап отыр.
Арасында бұлттанып, азғана жауын-шашын болмаса, жалпы күн ашық дейді. Осы уақытта тұқымды сеуіп үлгерсе, дәннің көктеуіне ауа райы өте қолайлы болатынын диқандар жақсы біледі. Өткен күздегі мол жаңбыр жерде тоң болып қалды. Оның үстіне қыстағы қардың жылдағы мөлшерден көп түсуі агроөнеркәсіп аймағы үшін сәтті болады деген сенім бар. Мұны көп мамандардан естіп келеміз. Лайым солай болғай!
Дегенмен, әр істің өз қиындығы бар. Әр серіктестік, шаруа қожалығы алды қыс бойы, қалды, ерте көктемнен машина-трактор паркін түгендей бастайды — техниканы сайлау, кем-кетігін түгендеу, қосалқы бөлшектерін жаңарту қатарлы шаш етектен жұмыстар бар. Жанар-жағармай жеткізіп қою да ерте бастан қамданатын шаруа. Бұған сапалы тұқым сатып алуды қосып қойыңыз. Міне, осының барлығы сақадай-сай болмай, ісің өнбесі анық.
Қамысты ауданындағы іргелі шаруа қожалықтарының бірі — Ливанов елді мекеніндегі «Алиев» ШҚ биылғы көктемгі егіс науқанына кірісіп кетті. Осы аптадан Мұрат Әлиев басқаратын ұжым егістік алқабындағы ылғал жабу жұмысын бастады.
– Көктемгі дайындық ойдағыдай жүріп жатыр. Дизель отыны жеткізілді, тұқым әзірленді. Механизаторлар өздеріне жүктелген міндеттерін атқаруға кірісіп кетті. Бастапқы жұмысымыз — көпжылдық шөптердің ылғалдылығын жабамыз.
Дүйсенбіден бері егістік алқаптарындағы ылғалды жабуды бастап жатырмыз, — деді шаруа қожалығының жетекшісі.
Бүгінгі таңда «Алиев» шаруашылығының жалпы аумағы 2,5 мың гектарға жуық. Негізгі бағыты — бидай мен сафлор.
– Біз тұқымның «Омская» және «Ершовская» сорттарын егеміз. Сәтін салса, алдағы 28 мамырға дейін оңтайлы агротехникалық мерзімде аяқтауды жоспарлап отырмыз. Әзірге ешқандай кедергілер немесе қиындықтар жоқ, — деді Мұрат Әлиев.
Ширек ғасырға жуық Қамысты өңірінің төсінде астығын орып отырған шаруа қожалығы сонау кеңестік дәуірден техника тізгіндеп келе жатқан мол тәжірибелі механизаторларды мақтан тұтады. Жақсылық Бекпутин, Болат Нұрпейісов, Михаил Кисель, Рашид Смағұловтар — «Алиев» шаруа қожалығы құрылғаннан бері еңбек етіп келе жатқан үлгілі мамандар. Кейінгі толқынға «Түйір нан – тамшы тер» тәмсілін өнеге қылатын да осы азаматтар.
Шұға ҚОҢҚАБАЙ.
На 1 сентября 2026 года в регионе работали 59 717 субъектов малого и среднего предпринимательства.…
Шеген ауылының тумасы, жерлесіміз Ахмет Есен халықаралық додада ел намысын абыроймен қорғап, жеңіс тұғырынан көрінді.…
В экологическом мероприятии приняли участие организации, учреждения и предприятия всех форм собственности. (далее…)
Попасть домой к героям проекта - задача не из простых, а здесь мы замахнулись на…
Официальная дата праздника 1 февраля, но торжество телекомпания решила перенести на осень. Подготовка была большая…
В профтехорганизации прошла встреча представителей разных возрастных групп. (далее…)
This website uses cookies.