Арқалық қаласы аумағындағы егін шаруашылығы биыл бірқатар қиындықпен бетпе-бет келіп отыр.
Мамандардың айтуынша, 56 мың гектар жерде шегірткелердің ошағы анықталған. Бұған қоса, жаздың аса құрғақ әрі ыстық болатыны болжануда.
Жергілікті шаруа Қазбек Мұқашев 13 мың гектар алқапта ылғал жабу жұмыстарын жүргізіп, топырақтағы ылғалды сақтау үшін гербицид қолданғанымен, мамырдағы аңызақ жел егістікті тез құрғатып жіберген. Күннің аптап ыстығына техникалар да төтеп бере алмай, шаруалар дән себуді тек күн батқан соң жүзеге асыруда.
Диқандарды шегіртке ғана емес, киіктің де көбейіп кетуі алаңдатып отыр. Өткен жылы Арқалық маңындағы мың гектарға жуық алқап киік тұяғымен тапталып, үлкен шығынға ұшыраған. Биыл да сондай жағдайдың қайталану қаупі жоғары. Шаруалар егістік алқаптарын мотоциклмен күзетіп, түрлі белгілермен қоршауға көшкен.
Ауыл шаруашылығы бөлімінің мәліметінше, бүгінде Арқалық бойынша егістік көлемі 328 680 гектарға жеткен. Оның басым бөлігі – бидай алқабы. Дегенмен, майлы және мал азықтық дақылдардың үлесі жыл сайын артып келеді. Биыл майлы дақылдар көлемі 2 мың гектарға ұлғайған.
Қазір шегіртке дернәсілдерін қанаттанбай тұрып жою мақсатында улау жұмыстары жүріп жатыр.
Суретті түсірген – Қыдырәлі АХМЕТБЕКОВ
Об этом сегодня, 18 марта, в ходе инспектирования медицинского объекта сказал аким области Кумар Аксакалов.…
Когда село пустеет, а статус административной единицы упраздняется, на торги выставляются последние свидетельства былой жизни…
Ұзынкөл ауданында жұмыспен қамту және әлеуметтік бағдарламалары бөлімі әлеуметтік жобасы аясында кезекті кездесу өтті. (далее…)
«Ана бір қолымен бесікті тербетсе, екінші қолымен әлемді тербетеді», - деп бекер айтылмаса керек. (далее…)
Соответствующие данные опубликовали на сайте Управления ветеринарии региона. (далее…)
25 ақпан мен 2 наурыз аралығында Қызылорда қаласында 2012 жылы туған қыздар арасында бокстан Қазақстан…
This website uses cookies.